Friday, November 27, 2020
Home កីឡាថ្ងៃនេះ

កីឡាថ្ងៃនេះ

Cavani មិនអាចលេងប្រកួតដំបូងទល់​នឹង Newcastle នោះទេព្រោះមូលហេតុនេះ

អតីតខ្សែប្រយុទ្ធក្រុម PSG Edinson Cavani នឹងត្រូវរង់ចាំយូរបន្តិចសម្រាប់ការបង្ហាញខ្លួនក្នុងប្រកួតដំបូងអោយបិសាចក្រហម Mancheser United ខណៈដែលរូបគេត្រូវបានបង្ខំឲ្យ ធ្វើតាមការណែនាំរបស់រដ្ឋាភិបាលអង់គ្លេសដោយការដាក់អោយនៅដោយឡែកដើម្បីប្រាកដថារូបគេមិនមានផ្ទុកCovid-19 ។ បិសាចក្រហម Manchester United បានបញ្ចប់ការចុះហត្ថលេខាលើអតីតខ្សែប្រយុទ្ធរបស់ក្លិប Paris Saint-Germain វ័យ ៣៣ ឆ្នាំនៅមួយថ្ងៃប៉ុណ្ណោះមុនការបិទទីផ្សារដោះដូរកីឡាកររដូវក្ដៅនេះ ។ វាហាក់ដូចជាការទិញបានទាន់ពេលវេលាដោយសារតែកីឡាករ Anthony Martial ទើបតែទទួលបានកាតក្រហមក្នុងប្រកួតទល់នឹង Spurs នាពេលចុងក្រោយនេះ ។

មកដឹងមូលហេតុដែល Man United នៅតែទទួលបានបាល់ប៉េណាល់ទីបន្ទាប់ពីការផ្លុំកញ្ចែបញ្ចប់ការប្រកួតទៅហើយ

វាពិតជារឿងដ៏ខកចិត្តមួយសម្រាប់ Brighton និងអ្នកគាំទ្រទាំងឡាយ ។ ក្រុមរបស់លោក Graham Potter យ៉ាងហោចណាស់គួរតែទទួលបាន១ពិន្ទុដែរប៉ុន្តែគ្រប់យ៉ាងក៏រលាយបាត់ទៅវិញ ។ បន្ទាប់ពីលោកអាជ្ញាកណ្តាល Chris Kavanagh បានផ្លុំកញ្ចែចុងក្រោយ គាត់ត្រូវបានណែនាំដោយ VAR ឱ្យមើលឡើងវិញនូវចំនុចដែលគេសង្ស័យថាកីឡាករ Neal Maupay បានយកដៃទៅប៉ះបាល់ដោយចេតនានៅក្នុងប្រអប់គ្រោះថ្នាក់ ។ ប្រាកដណាស់បន្ទាប់ពីបានពិនិត្យមើលវីដេអូឡើងវិញគាត់ក៏សំរេចផ្ដល់បាល់ប៉េណាល់ទៅManchester United ។ វាពិតជាខកចិត្តខ្លាំងណាស់សម្រាប់ Brighton ។

តោះទៅមើលហាយឡាយពីការប្រកួតដ៏ស្វិតស្វាញរវាង Brighton និង Man United កាលពីយប់មិញ

ក្រុមបិសាចក្រហម Manchester United បានបំបាក់ Brighton ៣-២ ដោយសារបាល់ពិន័យ ១១ ម៉ែត្រនៅនាទីទី ១០០ បន្ទាប់ពីការផ្លុំកញ្ចែបញ្ជាប់ការប្រកួតទៅហើយក្ដី។ ខ្សែបម្រើ Bruno Fernandes បានបោះជំហានទៅមុខហើយធានាថា ៣ ពិន្ទុនេះបានវិលទៅកាន់ទឹកដី Old Trafford វិញជាមួយនឹងការទាត់បាល់ចុងប៉េណាល់ទីចុងក្រោយនៃការប្រកួត។ ការប្រកួតខាងលើត្រូវបានគេមើលឃើញថាជាការប្រកួតដ៏ស្វិតស្វាញបំផុតក្នុងចំណោមការប្រកួតផ្សេងទៀតដែលបានធ្វើឡើងកាលពីយប់ថ្ងៃសៅរ៍កន្លងទៅ ។...

Man City កំពុងពិភាក្សាជាមួយ Benfica ជុំវិញការផ្ទេរខ្សែការពារព័រទុយហ្កាល់ Ruben Dias

ក្រុម Manchester City កំពុងពិភាក្សាអំពីការចុះហត្ថលេខាលើខ្សែការពារកណ្តាល Benfica Ruben Dias នៅក្នុងកិច្ចព្រមព្រៀងមួយដែលជាការដោះដូរជាមួយនឹង Nicolas Otamendi ។ Ruben Dias ខ្សែការពារកណ្តាលខាងលើបានស្ថិតក្នុងជម្រើសរបស់លោក Pep Guardiola ចាប់តាំងពី City បរាជ័យក្នុងការជំនួសអតីតប្រធានក្រុម Vincent Kompany នៅពេលដែលគាត់ចាកចេញពីក្លឹបជិត ១៨ ខែកន្លងមក ៕ Nicolas Otamendi

ចប់ហើយ! លោកព្រះ Zlatan បានធ្វើតេសវិជ្ជមានCovid-19 និងកំពុងដាក់អោយនៅដាច់ដោយឡែក

ក្លិប AC Milan បានបញ្ជាក់ថាកីឡាករ Zlatan Ibrahimovic បានធ្វើតេស្តិ៍វិជ្ជមាន Covid-19 ហើយនឹងត្រូវស្ថិតក្នុងដំណាក់កាលដាក់អោយនៅដោយឡែក។ កីឡាករខ្សែប្រយុទ្ធវ័យ ៣៨ឆ្នាំរូបនេះនឹងត្រូវដាក់ខ្លួនអោយនៅដោយឡែកបន្ទាប់ពីបានរកឃើញថារូបគេមានផ្ទុកវីរុសប្រភេទថ្មីខាងលើ។ ខ្សែប្រយុទ្ធស៊ុយអែតដ៏ស្វាហាប់រូបនេះគឺជាមនុស្សតែម្នាក់គត់ក្នុងចំណោមកីឡាករ គ្រូបង្វឹក និងបុគ្គលិកទាំងអស់នៅក្នុងក្លឺបដែលបានធ្វើការតេសវិជ្ជមាន ៕

Andy Cole៖ Man Utd មិនអាចទិញបានកីឡាករកំពូលៗដូច City និង Liverpool ទេព្រោះមូលហេតុនេះ

អតីតខ្សែប្រយុទ្ធរបស់បិសាចក្រហម លោក Andy Cole ជឿជាក់ថា លោក Ole Gunnar Solskjaer មានការងារដ៏លំបាកមួយក្នុងការព្យាយាមបញ្ចុះបញ្ចូលកីឡាករដែលមានគុណភាពកំពូលអោយចុះហត្ថលេខាជាមួយ Manchester United ហើយគេត្រូវតែជាអ្នកចាត់ការដែលពូកែរឿងទីផ្សារ ។ លោកបានប្រាប់ថា៖ ដើម្បីឈានដល់កម្រិតកំពូលដូច Liverpool និង Manchester City ពួកគេនឹងត្រូវបញ្ឈប់ការទិញដើម្បីធ្វើឱ្យខ្លួនពួកគេប្រសើរឡើង។ នៅពេលនេះពួកគេកំពុងតែបន្តនាំយកប្រភេទកីឡាករដដែលៗយ៉ាងអន្ទះសា។ លោកបន្ថែមថា៖ នៅពេលដែលក្រុមបិសាចក្រហម Manchester United កំពុងត្រួតត្រាពីភពបាល់ទាត់...

ធ្លាយវីដេអូ Suarez លាមិត្តរួមក្រុមនៅ Barca ទាំងទឹកភ្នែកមុនចាកចេញទៅកាន់ AT Madrid

កីឡាករ Luis Suarez បានចាកចេញពីកន្លែងហ្វឹកហាត់របស់ក្លិប Barcelona ទាំងទឹកភ្នែកខណៈកំពុងលាមិត្តរួមក្រុមរបស់គាត់បន្ទាប់ពីត្រូវបានបង្ខំឱ្យចាកចេញពីក្លឹបមកចូលរួមជាមួយ Atletico Madrid ដែលចំណាយត្រឹមតែ ៥.៥ លានផោនប៉ុណ្ណោះដើម្បីចុះហត្ថលេខាជាមួយខ្សែប្រយុទ្ធសញ្ជាតិអ៊ុយរ៉ាហ្គាយរូបនេះ។ ​ក្រោយ​ពី​ដឹង​ខ្លួន​ថា​ត្រូវ​ចាកចេញ​ពី​ក្លឹប​ដែល​ស្រលាញ់​នេះ​ហើយ Suarez ​បាន​ទៅ​លា​មិត្ត​រួម​ក្រុម​ដល់​ទីលាន​ផង​ដែរ។ ក្រោយ​លា​គ្នា​រួច ​រូបគេ​បាន​បើក​ឡាន​ចេញ​មក​វិញ ​ហើយ​ត្រូវ​បាន​គេ​ថត​ឃើញ​ថា​យំ ហូរ​ទឹក​ភ្នែក​មក​ទៀត​ផង។ ​ចង់​ដឹង​ថា​ទិដ្ឋភាព​សង្វេគ​ប៉ុណ្ណា ​ទស្សនា​វីដេអូ​ខាង​ក្រោម​នេះ​៖ https://www.youtube.com/watch?v=UwQw0lXHtRU

រឿងធំ! Suarez ត្រូវគេរកឃើញថាបានរៀបចំលទ្ធផលទុកជាមុន អំឡុងពេលប្រលងចូលសញ្ជាតិអ៊ីតាលី

កីឡាករខ្សែប្រយុទ្ធរបស់ក្លឹប Barcelona Luis Suarez ត្រូវគេរាយការណ៍ថាបានរួមគំនិតជាមួយគណៈកម្មការក្នុងការរៀបចំ ឫទិញលទ្ធផលទុកមុន កំឡុងពេលរូបគេធ្វើការប្រលងចូលសញ្ជាតិអ៊ីតាលី ។ ក្នុង​សេចក្ដីថ្លែងការណ៍​របស់​រដ្ឋអាជ្ញា​សាធារណៈ​ក្រុង Perugia បាន​ឲ្យ​ដឹង​ថា Suarez បាន​ប្រឡង​ភាសា​អ៊ីតាលី​កាល​ពី​ថ្ងៃ​ទី១៧ ខែ​កញ្ញា សម្រាប់​ការ​ចូល​សញ្ជាតិ​ ហើយ​តាម​ការ​រយៈ​ការ​ស៊ើបអង្កេត​ Suarez បាន​ដឹង​វិញ្ញាសា​មុន ហើយ​ពិន្ទុ​ក៏​ត្រូវ​បាន​រៀបចំ​ទុក​មុន​ដែរ។ នៅ​ថ្ងៃ​នេះ​ដែរ ខាង​ប៉ូលិស​ហិរញ្ញវត្ថុ និង​ខាង​រដ្ឋ​អាជ្ញា កំពុង​តែ​រៀបចំ​ឯកសារ​ក្នុង​វែក​មុន​ជន​ពាក់ព័ន្ធ​ក្នុង​បទល្មើស​មួយ​នេះ។

ផ្លូវការ! Morata នឹងលេងរួមគ្នានឹង Ronaldo ជាលើកទីពីរនៅ Juventus

តាមរយៈទំព័រ Facebook ផ្លូវការរបស់ក្លឹបយក្សអ៊ីតាលី Juventus បានបង្ហាញថាពេលនេះកីឡាករ​ Alvaro Morata បានតេសសុខភាពជាប់ជាស្ថាពរ ហើយក៏ត្រៀមខ្លួនរូចរាល់ក្នុងការសហការជាមួយអតីតមិត្តរួមក្រុមរបស់គេនៅ Real Madrid គឺ Cristiano Ronaldo ។​ ការផ្ទេររបស់កីឡាកររូបនេះត្រូវបានធើ្វឡើងមិនយូរប៉ុន្មាន បន្ទាប់ពីទទួលបានភ្លើងខៀវពី Atletico Madrid ខណៈក្លឹបអេស្ប៉ាញមួយនេះត្រូវបានគេរាយការណ៍ថាកំពុងឈានដល់កិច្ចព្រមព្រាងក្នុងការនាំយក Luis Suarez ពី Barcelona មកជំនួស ៕

Morata មកដល់អ៊ីតាលី​ហើយ ដើម្បី​ត្រៀម​ចូលរួម​ជាមួយ​ក្លឹប​ចាស់ Juventus

ខ្សែ​ប្រយុទ្ធ Alvaro Morata បាន​ធ្វើ​ដំណើរ​ទៅ​ដល់​ប្រទេស​អ៊ីតាលី​ហើយ ដើម្បី​ត្រៀម​ចូលរួម​ជាមួយ​ក្លឹប​ចាស់ Juventus។ កីឡាករ​សញ្ជាតិ​អេស្បាញ​បាន​ចាកចេញ​ពី Juventus ទៅ​ចូលរួម​ជាមួយ Real Madrid កាល​ពី​ឆ្នាំ​២០១៦ ប៉ុន្តែ​ពេល​នេះ​គេ​គ្រោង​ត្រឡប់​ទៅ​​លេង​ឲ្យ​ក្លឹប​ចាស់​វិញ​ក្នុង​លក្ខខណ្ឌ​ខ្ចី​ជើង​ពី​ក្លឹប Atletico Madrid។ ការ​សម្រេច​ចិត្ត​ឲ្យ Morata មក​កាន់ Juventus ជា​សញ្ញា​ Atletico អាច​នឹង​យក Luis Suarez មក​ជំនួស​កន្លែង​វិញ។

អត្ថបទគួរអាន

អត្ថបទផ្សេងៗ