វាពិតជារឿងដ៏ខកចិត្តមួយសម្រាប់ Brighton និងអ្នកគាំទ្រទាំងឡាយ ។ ក្រុមរបស់លោក Graham Potter យ៉ាងហោចណាស់គួរតែទទួលបាន១ពិន្ទុដែរប៉ុន្តែគ្រប់យ៉ាងក៏រលាយបាត់ទៅវិញ ។

បន្ទាប់ពីលោកអាជ្ញាកណ្តាល Chris Kavanagh បានផ្លុំកញ្ចែចុងក្រោយ គាត់ត្រូវបានណែនាំដោយ VAR ឱ្យមើលឡើងវិញនូវចំនុចដែលគេសង្ស័យថាកីឡាករ Neal Maupay បានយកដៃទៅប៉ះបាល់ដោយចេតនានៅក្នុងប្រអប់គ្រោះថ្នាក់ ។

ប្រាកដណាស់បន្ទាប់ពីបានពិនិត្យមើលវីដេអូឡើងវិញគាត់ក៏សំរេចផ្ដល់បាល់ប៉េណាល់ទៅManchester United ។ វាពិតជាខកចិត្តខ្លាំងណាស់សម្រាប់ Brighton ។


មានការជជែកវែកញែកជាច្រើនជុំវិញការសម្រេចចិត្តដ៏ចម្រូងចម្រាសក្នុងការបន្តការប្រកួតឡើងវិញបន្ទាប់ពីការផ្លុំកញ្ចែចុងក្រោយទៅហើយ ​។​ ទោះជាយ៉ាងណាក្ដី លោក Kavanagh ពិតជាបានធ្វើការសម្រេចចិត្តដ៏ត្រឹមត្រូវ ហើយខាងក្រោមនេះគីជាមូលហេតុ៖

យោងតាមគេហទំព័រ GOAL បានអោយដឹងថា Man Utd ទទួលបានការពិន័យពីព្រោះកំហុសនៃការយកដៃទៅប៉ះបាល់របស់កីឡាករ Neal Maupay បានកើតឡើងមុនពេលអាជ្ញាកណ្តាលផ្លុំកញ្ចែរបញ្ចប់ដែលអាចអោយ VAR ធ្វើការត្រួតពិនិត្យឡើងវិញទៅលើហេតុការនោះ ។

ការប្រកួតត្រូវបានអនុញ្ញាតឱ្យចាប់ផ្តើមឡើងវិញបន្ទាប់ពីការត្រួតពិនិត្យ VAR ទោះបីជាមានការផ្លុំកញ្ចែដើម្បីបង្ហាញពីការបញ្ចប់នៃការប្រកួតក៏ដោយ។


ក្រុមប្រឹក្សាភិបាលសមាគមបាល់ទាត់អន្តរជាតិ (IFAB) បានអោយដឹងថា “មិនមានពេលវេលាកំណត់សម្រាប់ដំណើរការពិនិត្យឡើងវិញនោះទេព្រោះការសម្រេចចិត្តដែលត្រឹមត្រូវវាសំខាន់ជាងការសម្រេចចិត្តអោយបានលឿន” ។

“ដំណើរការពិនិត្យឡើងវិញគួរតែត្រូវបានបញ្ចប់ប្រកបដោយប្រសិទ្ធភាពតាមដែលអាចធ្វើទៅបានប៉ុន្តែភាពត្រឹមត្រូវនៃការសម្រេចចិត្តចុងក្រោយគឺជារឿងសំខាន់។

អាជ្ញាកណ្តាលមានសិទ្ធិគ្រប់គ្រាន់ក្នុងការផ្ដល់បាល់ពិន័យ
លើសពីនេះ អាជ្ញាកណ្តាលអាចចាត់វិធានការ ផ្លាស់ប្តូរ ឫដកហូតនូវវិន័យណាមួយ (ក្នុងករណីដែលសមស្រប) ហើយចាប់ផ្តើមលេងឡើងវិញដោយយោងទៅតាមច្បាប់នៃការប្រកួត។ “

ដូច្នេះគ្រប់យ៉ាងពិតជាបានដំណើរការយ៉ាងត្រឹមត្រូវ ហើយវាមិនបានធ្វើឱ្យគ្រប់គ្នាខកចិត្តទេ ៕

BRIGHTON, ENGLAND – SEPTEMBER 26: Marcus Rashford of Manchester United celebrates with teammate Bruno Fernandes after scoring his team’s second goal during the Premier League match between Brighton & Hove Albion and Manchester United at American Express Community Stadium on September 26, 2020 in Brighton, England. Sporting stadiums around the UK remain under strict restrictions due to the Coronavirus Pandemic as Government social distancing laws prohibit fans inside venues resulting in games being played behind closed doors. (Photo by Glyn Kirk – Pool/Getty Images)

LEAVE A REPLY

Please enter your comment!
Please enter your name here